13 tamyzdaǵy koronavirýs infektsiiasymen aýyrǵandarǵa qatysty aqparat jariialandy, dep habarlaidy "Ult aqparat" Densaýlyq saqtaý ministrligine silteme jasap.
«Qazir elimizde 23 281 adam koronavirýs infektsiiasynan em qabyldaýdy jalǵastyrýda. Olardyń arasynda 100 bala bar. Statsionarlarda 4 151 naýqas jatyr. 19 130 adam ambýlatoriialyq jaǵdaida emdelýde. Jalpy naýqastardyń arasynda 423 adamnyń ahýaly nashar. Sonyń ishinde 106 naýqastyń ahýaly asa qatty aýyr dep baǵalanýda. 99 naýqas ókpeni jasandy jeldetý apparatynda jatyr», delingen habarlamada.
