QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Liýdmila Biýrabekova Qazaqstanda koronavirýstyń sharyqtaý shegi qashan kelýi múmkin ekenin jariialady, dep habarlaidy "Ult aqparat".
«Bizdiń ǵylymi ortalyqtarymyz daiyndaǵan boljamǵa sáikes, Qazaqstanda koronavirýs infektsiiasynyń sharyqtaý shegi sáýir aiynyń sońyna, mamyr aiynyń basyna tuspa-tus kelýi múmkin. Ol kezde shamamen koronavirýs juqtyrǵandardyń sany 2 myńǵa jetýi yqtimal», - dedi Liýdmila Biýrabekova OKQ-da onlain rejimde ótken baspasóz máslihatynda.
Aita ketsek, qazirgi tańda Qazaqstanda koronavirýs juqtyrǵan azamattardyń sany 979 adamǵa jetti. Onyń ishinde 110 adam jazylyp shyqqan. 12 adam kóz jumdy.
