Densaýlyq saqtaý ministrligi insýlin men basqa da dári-dármekterdiń tapshylyǵy týraly habarlamaǵa jaýap berdi, - dep habarlaidy Tengrinews.kz.
"Búgingi tańda Qazaqstanda dári tapshylyǵy baiqalmaidy. Preparattardyń qoljetimdiligin qamtamasyz etý maqsatynda turaqtandyrý qory jumys isteidi jáne iri kóterme dárihana qoimalarynda qor bar.
2022 jylǵa 11,1 milliard teńgege 20 túrli insýlin satyp alyndy. Sonymen qatar, biryńǵai distribiýtor qoimalarynda insýlinniń jetkilikti qory bar. Insýlin dárigerlerdiń retseptisi boiynsha, sondai-aq, dispanserlik esepte turǵan naýqastarǵa tegin beriledi. Demek bul preparattar sandyq esepke alynǵan", - dep málimdedi ministrlik ókili.
DSM dári-dármekterdiń bólshek baǵasy belgilengen shekti baǵa boiynsha belgilenetinin túsindirdi.
"Dárilik zattar baǵasyn memlekettik retteý maýsymǵa sáikes suranys pen satý, sondai-aq, jyl saiynǵy infliatsiiany eskere otyryp, baǵalardy ońtaily deńgeide ustap turýǵa yqpal etedi. Dárilik zattarǵa belgilengen shekti baǵany arttyrǵany úshin ÁQBtK-niń 426-baby boiynsha ákimshilik jaýapkershilik qarastyrylǵan", - dep túsindirdi vedomstvo ókili.
