Biylǵy 15 naýryzdan bastap «Dostyq» stantsiiasy baǵytynda jáne odan ári Qytai aýmaǵyna júkterdi eksporttaýǵa tyiym salý merzimi aiaqtalady. Bul týraly «Qazaqstan temir joly – Júk tasymaly» JShS-nyń baspasóz qyzmetinen málim etti, dep habarlaidy "Ult aqparat".
Málim etilgendei, QHR-men aldyn ala kelisilgen Tasymaldaý jospary bar júk jóneltýshiler eksport maqsatyndaǵy júkterdi tieýdi bastai alady.
Degenmen, «Dostyq» stantsiiasy baǵytynda kelesi tasymaldarǵa tyiym áli de saqtalyp otyr: 30 naýryzǵa deiin – tranzitti júkterge, 20 naýryzǵa deiin - jabyq vagondarda jáne astyq tasymaldaý transportynda barlyq astyq júkterin ótkizýge.
«Esterińizge sala keteiik, ýaqytsha shekteýler salalyq qaýymdastyqtar men júk jóneltýshilerdiń ótinishi boiynsha engizilgen.
Bul másele «Atameken« QR UKP, Qazaqstan Respýblikasy Indýstriia jáne infraqurylymdyq damý ministrliginiń alańdarynda júk jóneltýshilermen, eksporttaýshylarmen talqylandy.
Júk jóneltýshiler engizilgen shekteýlerge túsinistikpen qarady. Jóneltýshiler tarapynan eshqandai shaǵymdar bolǵan joq. Kerisinshe, jaǵdaiǵa túsinistik tańytyp, júkti jetkizý jolyn ózgertti», - dedi kompaniianyń baspasóz qyzmetinen.
