Biyl tamyz aiynyń sońyndaǵy jaǵdai boiynsha Ulttyq qorda 56,9 milliard dollar bar. Bul týraly Ulttyq bank tóraǵasy Erbolat Dosaev málimdedi, dep habarlaidy Sputnik Qazaqstan.
"Biyl tamyzda Ulttyq qorǵa túsken túsimder 420 milliard teńge, onyń ishinde shetel valiýtasynda 506 million dollar nemese 215 milliard teńge boldy. Ulttyq qordyń aktivteri osy jyldyń tamyz aiynyń sońynda 56,9 milliard dollardy qurady", - dedi Dosaev úkimet otyrysynda.
Aitýynsha, tamyzda 396 milliard teńgege nysanaly jáne kepildendirilgen transfertterdi bólý úshin 845 milliard dollar satyldy.
Sondai-aq ol ótken aida Ulttyq qordyń investitsiialyq kirisi oń qalyptasqanyn jáne 316 million dollardy quraǵanyn atap ótti.
Al jyl basynan bastap Ulttyq qordyń investitsiialyq kirisi negizinen aktsiialar naryǵynda ósýdi jalǵastyrýyna bailanysty 2,3 milliard dollar nemese 4,11% boldy.
Dosaevtyń málimetinshe, altyn-valiýta rezervteri bir aida 1,8 milliard dollarǵa ulǵaiyp, tamyzdyń sońynda 36,8 milliard dollarǵa jetti.
Ulttyq qordyń aktivin qosa alǵanda, jalpy halyqaralyq rezervter bir aida 1,8 miliard dollarǵa ulǵaiyp, 93,7 milliard dollarǵa jetti.
