2021 jyldyń aqpanynda Ulttyq qor aktivteri 57,6 mlrd dollardy qurady. Bul týraly bgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Ulttyq qordyń aktivteri bir aidyń ishinde 70 mln AQSh dollaryna myna sebepter boiynsha tómendep, biylǵy jylǵy aqpannyń sońynda 57,6 mlrd AQSh dollaryn qurady: Biylǵy jylǵy aqpanda 375 mlrd teńgege nemese 900 mln AQSh dollaryna nysanaly jáne kepildendirilgen transfertter bólý úshin 443 mln AQSh dollary satyldy; Ulttyq qorǵa túsimder 164 mlrd teńge, onyń ishinde valiýtalyq túsimder 255 mln AQSh dollary nemese teńge balamasynda 106 mlrd boldy», - dedi 2021 jyldyń qańtar-aqpanyndaǵy elimizdiń áleýmettik-ekonomikalyq damý qorytyndysy jaiynda baiandaǵan Erbolat Dosaev.
Onyń atap ótýinshe, MSCI World aktsiialar indeksiniń osy jylǵy qańtardaǵy quldyraýdan keiin aqpanda 2,6 paiyzǵa ósýi Ulttyq qordyń oń investitsiialyq kirisine yqpal etti. Ol bir aida 116 mln AQSh dollary boldy.
