Prezident Qasym-Jomart Toqaev Ulttyq bank tóraǵasy Erbolat Dosaevty qabyldady, - dep habarlaidy "Ult aqparat" Aqorda saityna silteme jasap.
Memleket basshysy Ulttyq bank tóraǵasynyń biylǵy 8 aidaǵy aqsha-kredit saiasatyn iske asyrýdyń aldyn ala qorytyndysy jóninde, sondai-aq álem ekonomikasynyń qaita qalpyna kelý barysynda infliatsiialyq qaterdiń kúsheie túskeni týraly esebin tyńdady.
Prezidentke Úkimetpen birlesip bekitilgen infliatsiiaǵa qarsy sharalar men ony júzege asyrýdyń negizgi baǵyttary, sondai-aq biylǵy infliatsiianyń jańartylǵan boljamdary týraly baiandaldy.
Sonymen qatar, Qasym-Jomart Toqaevqa halyqtyń tabysy men tutyný deńgeiiniń artýyna yqpal etetin Qazaqstandaǵy ekonomikalyq belsendiliktiń arta túskeni jóninde jáne Prezidenttiń daǵdarysqa qarsy bastamalaryn iske asyrý barysy týraly málimet berildi.
Budan bólek Memleket basshysyna Qazaqstannyń jalpy halyqaralyq rezervteriniń biylǵy 8 aida 93,7 milliard dollarǵa deiin ulǵaiǵany jáne Ulttyq qordyń investitsiialyq kirisiniń 2,3 milliard dollarǵa deiin óskeni týraly aldyn ala derekter usynyldy.
Kezdesý qorytyndysy boiynsha Qasym-Jomart Toqaev infliatsiianyń monetarlyq emes faktorlaryn tómendetýge jáne halyqaralyq naryqtardaǵy qubylmalylyqtyń artý jaǵdaiynda qarjylyq turaqtylyqty qamtamasyz etýge basa mán berýdi tapsyrdy.
