Reseidegi infliatsiialyq fon Qazaqstanǵa infliatsiialyq qysym jasap otyr. QR Ulttyq bankiniń tóraǵasy Erbolat Dosaev Úkimet otyrysynda osyndai málimet aitty, dep habarlaidy QazAqparat.
«Maýsymdyq kezeńde kókónis baǵasynyń 8,7% jáne jemis baǵasynyń 2,4% tómendeýine qaramastan, Qazaqstanda infliatsiia 8,9% jetip, qarqynyn jalǵastyrdy.
Bir aida et 1,3%, ósimdik maiy 0,6% jáne qant 1,1% qymbattap, saldarynan azyq-túlik infliatsiiasy 11,4%-ten 11,5%-ke deiin jedeldedi.
Azyq-túlikke jatpaityn infliatsiiaǵa kelsek, dizel bir aida 3,8%, gaz 0,9% jáne kómir 1,9% qymbattap, saldarynan mundaǵy infliatsiia 7,3%-ten 7,5%-ke deiin ósti.
Janar-jaǵar maidyń budan bylaiǵy qymbattaýy jáne dándi-daqyldar baǵasyn turaqtandyrýǵa aitarlyqtai táýekel týdyrady», - dedi Ulttyq bank tóraǵasy.
Sondai-aq, ol Qazaqstan ishindegi infliatsiiaǵa Reseidegi ahýal tikelei áser etip otyrǵanyn eske saldy.
«Syrtqy infliatsiianyń, ásirese Resei Federatsiiasy siiaqty negizgi saýda áriptes elderde infliatsiialyq fonnyń nasharlaýy infliatsiialyq qysymnyń qosymsha kózi bolyp tabylady.
Mundai jaǵdailarda monetarlyq emes faktorlardy turaqtandyrýǵa baǵyttalǵan infliatsiiaǵa qarsy den qoiý sharalarynyń keshenin tiimdi iske asyrý 2021 jyly infliatsiiany dálizdiń joǵarǵy shegi 7,5-8,5%-ke qaitarýy tiis. Ulttyq bank óz tarapynan, syrtqy naryqtar men ishki ahýalǵa jan-jaqty taldaý jasaý negizinde dezinfliatsiialyq aqsha-kredit saiasatyn júrgizýdi jalǵastyrady», - dedi Erbolat Dosaev.
