Foto: Tengrinews.kz/Týrar Kazangapov
Ulttyq bank tóraǵasy Erbolat Dosaev 2022 jyly infliatsiia tómendeitinin málimdedi, dep habarlaidy Sputnik Qazaqstan.
"Úkimet pen Ulttyq banktiń úilesken is-qimyly nátijesinde qazanda alty ai boiy kóterilgen jyldyq infliatsiianyń ósýi toqtady. Infliatsiiaǵa qarsy júieli sharalardy odan ári iske asyrý 2021 jylǵy infliatsiiany 8,5 protsentke deiin turaqtandyrý, al 2022 jyly 4-6 protsenttik dálizge kirýge múmkindik beredi", - dedi Dosaev Senattyń jalpy otyrysynda.
Onyń aitýynsha, azyq-túlik baǵasyn ustap turý maqsatynda turaqtandyrý qorlaryn tiimdi paidalaný qarastyrylǵan. Budan bólek, ónimderdi forvardtyq satyp alý is-sharalary bar. Osylaisha biyl infliatsiia 8,5 protsentten aspaýǵa tiis.
"2022-2026 jyldarǵa arnalǵan áleýmettik-ekonomikalyq damý boljamyna sáikes, infliatsiia birtindep tómendep, 2023-2024 jyldary 4-5 protsent, al 2025-2026 jyldary 3-4 protsent deńgeiinde bolady", - dep atap ótti Dosaev.
Bas bankirdiń sózine qaraǵanda, infliatsiiany 3 protsentke deiin tómendetý úshin qazirgi is-sharalar azdyq etedi. Oǵan qosa, ekonomikany odan ári ártaraptandyrý jáne import taýarlaryna táýeldilikti tómendetý aiasynda júieli jumystardy jandandyrý qajet.
