Almaty ákimdiginiń baspasóz qyzmeti
Almaty qalasynyń ákimi Erbolat Dosaev 15 jastaǵy Jannur Nurjanǵa qoǵamdyq kólikte qariiaǵa kómek kórsetý kezindegi meiirimdiligi men batyldyǵy úshin gramota men estelik syilyq tabys etti, dep habarlaidy "Ult aqparat" shahar basshysynyń baspasóz qyzmetine silteme jasap.
«Men siz túsirgen beineni jeliden kórdim jáne kóptegen almatylyq siiaqty bul oqiǵa meni de bei-jai qaldyrmady. Bir jaǵynan, ol jolaýshylardyń áreketine qynjyldym, al ekinshi jaǵynan, sizdiń áreketińizge riza bolyp, ózińizben maqtandym», - dedi ákim kezdesý barysynda.
Aita keteiik, qamqorlyqtyń úlgisin kórsetken jas qyzdyń is-áreketi jurtty súisintti. Almaty qarjy-ekonomikalyq kolledjiniń 2-kýrs stýdenti ózin qoldaǵandarǵa alǵys aityp, barlyq adamǵa qamqorlyq kórsetýge shaqyrdy.
Esterińizge salaiyq, Almatynyń 119-shy marshrýtynda qart adam tosap salynǵan qumyrany baiqaýsyzda syndyryp alady. Keibir jolaýshylar ony aiyptai bastaǵanda, jasóspirim zeinetkerdi jaqtap, avtobýstyń edenin kiimimen súrtedi. Oqiǵanyń videosy áleýmettik jelilerde tarap, Jannur Nurjandy qoldaǵan júzdegen pikir jazyldy.
