Áigili "Dos-Muqasan" tobynyń ánshisi Murat Qusaiynov áýejai qyzmetkerine qol kóterip, densaýlyǵyna ziian keltirdi, dep habarlady "Eir Astana" áýekompaniiasynyń baspasóz qyzmeti.
"2019 jyldyń 14 sáýirinde "Nur-Sultan – Almaty" baǵytyna qatynaityn KS 852 ushaǵynan tártipke baǵynbaǵan jolaýshy shyǵaryldy. Ushaqqa otyrǵyzý barysynda Murat Qusaiynov qatty sóilep, beiádep sózder aitqan", - dep jazylǵan habarlamada.
Baspasóz qyzmetiniń málimetinshe, ánshiniń áreketi jolaýshylarǵa qaýip tóndirgen.
"Ekipaj músheleri ony ushaqqa otyrǵyzýdan bas tartqan. Ánshi áýekompaniia qyzmetkerleriniń kózinshe jolaýshylarǵa qyzmet kórsetý bólimi basshysynyń mańdaiyna qatty soqqy jasap, onyń densaýlyǵyna ziian keltirdi", - dep habarlady áýejai qyzmetkerleri.
"Eir Astana" áýekompaniiasy jolaýshylardyń zańǵa qaishy áreketine múlde jol bermeitinin málim etti.
Kompaniia zardap shekken qyzmetkerine barlyq kómekti kórsetetinin atap ótip, "Dos-Muqasan" tobynyń múshesi zań aldynda tiisti jazasyn alatynyn málim etti.
"Áýekompaniia Nur-Sultan qalasy áýejaiyndaǵy politsiia bólimine Murat Qusaiynovty jaýapqa tartý jáne sotqa deiingi tergeý júrgizý jóninde aryz túsirdi", - deidi áýekompaniianyń baspasóz qyzmeti.
