Koronavirýs indetine bailanysty Oraldyń «Aqjaiyǵy» dopty hokkeiden Resei chempionatyna qatyspaidy, dep habarlaidy "Ult aqparat".
Batysqazaqstandyqtar jylda joǵary liga komandalary arasynda búkilreseilik jarysta baq synap júrgen-di.
«Aqjaiyq» sport klýbynyń direktory Merei Qanibetovtiń málim etkenindei, biyl indetke bailanysty hokkeishilerdiń de shetelge shyǵýyna tyiym salyndy.
Osylaisha 1976 jyly qurylǵan «Aqjaiyq» komandasy biylǵy Resei birinshiliginen tys qalyp otyr.
«Qazirgi tańda oraldyq bapker Nikolai Shavaldinniń shákirtteri Aqtóbe qalasynda oqý-jattyǵý jiynynda júr. Biyl kúzde ótýi tiis dopty hokkeiden álem chempionaty da keiinge qaldyryldy. Bálkim, jaǵdai túzelse, «Aqjaiyq» joǵary liga komandalary arasynda búkilreseilik jarystyń finaldyq kezeńine baryp qalar. Osy baǵytta Resei dopty hokkei federatsiiasymen sóilesip jatyrmyz. Sondai-aq barlyq jas erekshelikterine qarai Qazaqstan chempionatyn da ótkizý josparlanýda. Munyń bári indettiń qalai órbitinine bailanysty», dedi Merei Qanibetov.
