Qazaqstannyń Qazaq kúresi federatsiiasynyń prezidenti Arman Shoraev Elaman Erǵaliev ilikken doping daýyna qatysty pikir bildirdi, dep habarlaidy "Ult aqparat".
«Bizdiń federatsiia dopingpen únemi kúresip keledi. «Qazaqstan Barysynyń» barlyq jeńimpazdary WADA-nyń doping synaǵynan ótken soń ǵana syiaqylaryn alady. 2017 jyly da, basqa kezderi de solai bolyp kelgen», - deidi Arman Shoraev Feisbýktegi paraqshasynda.
Onyń aitýynsha, dopingke bailanysty sportshylar jarysqa jiberilmegen jaǵdailar buǵan deiin bolǵan.
«Elaman 2017 jyly basty týrnirde adal jeńiske jetti. Eshqandai doping tabylǵan joq, ol ózine tiesili syiaqysyn aldy. Búgingi jaǵdai boiynsha, mynany aita alamyn, 2018 jyldyń qarasha aiynda dopingtiń tabylýy burynǵy eńbekterin joqqa shyǵaryp, jetistikterin joimaidy. Aldaǵy dodalarǵa jibermeý nemese shettetý týraly sheshim Federatsiia Atqarýshy komitetiniń kezekti otyrysynda qabyldanady. Nátijeleri týraly baspasózde málimdeimiz», - dedi ol.
Aita keteiik, Qazaqstannyń Dziýdo federatsiiasy Elaman Erǵaliev pen Salamat Jurqabaevty doping daýyna bailanysty ýaqytsha respýblikalyq jáne halyqaralyq jarystardan shettetý sheshim qabyldanǵanyn málimdegen bolatyn.
Eske sala keteiik, byltyr shilde aiynda Elaman Erǵaliev qazaq kúresinen «Qazaqstan barysy-2017» týrnirinde jeńimpaz atanǵan edi.
