Resei biligi Donbassqa jibergen "Máskeý sý arnasynyń" qyzmetkerleri Vladimir Pýtinge úndeý joldady. Olar "áli kúnge eńbek kelisim sharty jasalmaǵanyn, bastapqyda ýádelesken jalaqylaryn ala almai júrgenderin aitqan" dep habarlaidy "Nastoiashee vremia".
"Úndeý rolik Ýkrainanyń Lýgansk oblysynyń Resei basyp alǵan aýmaǵynda qurylǵan "LHR" separatistik qurylymyna qaraityn Schaste qalasynda túsirilgen" deidi Ura.ru basylymy.
"Biz Reseidegi "Máskeý sý arnasy" aktsionerlik qoǵamynan Lýgansk oblysynyń Schaste qalasyna kelgen eńbek ujymymyz. Eńbekaqymyzdy tóleý máselesin sheship berýdi Resei prezidenti Vladimir Pýtinnen suraimyz. "Lýgansk halyq respýblikasyn" qalpyna keltirýge kelgende aldanamyz dep oilaǵan joqpyz, óitkeni bul máselege qoǵam nazar aýdaryp otyr. Eńbek kelisim shartynsyz jumys istep júrmiz. Bizdiń talabymyzdy qanaǵattandyrmady, endi sizdiń talabyńyz kerek, – deidi úndeýdi oqyǵandar.
Biyl maýsym aiynda separatistik "Lýgansk halyq respýblikasynyń" basshysy Leonid Pasechnik "Máskeý sý arnasy" mamandary "Lýgansk sý arnasy" kásipornyna kelgenin, kásiporyn qurylǵylaryn jóndep, iske qosýǵa qatty qulshynyp otyrǵanyn habarlaǵan.
