رەسەي بيلٸگٸ دونباسسقا جٸبەرگەن "مەسكەۋ سۋ ارناسىنىڭ" قىزمەتكەرلەرٸ ۆلاديمير پۋتينگە ٷندەۋ جولدادى. ولار "ەلٸ كٷنگە ەڭبەك كەلٸسٸم شارتى جاسالماعانىن, باستاپقىدا ۋەدەلەسكەن جالاقىلارىن الا الماي جٷرگەندەرٸن ايتقان" دەپ حابارلايدى "ناستوياششەە ۆرەميا".
"ٷندەۋ روليك ۋكراينانىڭ لۋگانسك وبلىسىنىڭ رەسەي باسىپ العان اۋماعىندا قۇرىلعان "لحر" سەپاراتيستٸك قۇرىلىمىنا قارايتىن سچاستە قالاسىندا تٷسٸرٸلگەن" دەيدٸ Ura.ru باسىلىمى.
"بٸز رەسەيدەگٸ "مەسكەۋ سۋ ارناسى" اكتسيونەرلٸك قوعامىنان لۋگانسك وبلىسىنىڭ سچاستە قالاسىنا كەلگەن ەڭبەك ۇجىمىمىز. ەڭبەكاقىمىزدى تٶلەۋ مەسەلەسٸن شەشٸپ بەرۋدٸ رەسەي پرەزيدەنتٸ ۆلاديمير پۋتيننەن سۇرايمىز. "لۋگانسك حالىق رەسپۋبليكاسىن" قالپىنا كەلتٸرۋگە كەلگەندە الدانامىز دەپ ويلاعان جوقپىز, ٶيتكەنٸ بۇل مەسەلەگە قوعام نازار اۋدارىپ وتىر. ەڭبەك كەلٸسٸم شارتىنسىز جۇمىس ٸستەپ جٷرمٸز. بٸزدٸڭ تالابىمىزدى قاناعاتتاندىرمادى, ەندٸ سٸزدٸڭ تالابىڭىز كەرەك, – دەيدٸ ٷندەۋدٸ وقىعاندار.
بيىل ماۋسىم ايىندا سەپاراتيستٸك "لۋگانسك حالىق رەسپۋبليكاسىنىڭ" باسشىسى لەونيد پاسەچنيك "مەسكەۋ سۋ ارناسى" ماماندارى "لۋگانسك سۋ ارناسى" كەسٸپورنىنا كەلگەنٸن, كەسٸپورىن قۇرىلعىلارىن جٶندەپ, ٸسكە قوسۋعا قاتتى قۇلشىنىپ وتىرعانىن حابارلاعان.
