Golden Time Talent jeńimpazdary dombyrashy «Temirlan-Ernat» dýeti Tokio Olimpiadasyndaǵy mádeniet ambassadory atandy, dep habarlaidy "Ult aqparat" vedomstvonyń saityna silteme jasap.
Búgin Mədeniet jəne sport ministri Aqtoty Raiymqulova «Temirlan-Ernat» dombyrashylar dýetin qabyldap, Londonda ótken dəstúrli Golden Time Talent halyqaralyq festivalinde jeńiske jetýimen quttyqtady Temirlan Oljabai men Ernat Naýryz baiqaýdyń aqtyq kezeńine daiyndyq barysy qalai júrgeni jaiynda aityp, shyǵarmashylyq josparymen bólisti.
Ministr Golden Time Talent halyqaralyq festivaliniń jeńimpazdary elimizdiń Tokio Olimpiadasyndaǵy mádeniet boiynsha ambassadory atanǵanyn habarlady.
«Biz onlain formatta tapjylmai tamashalaǵan Gran-finaldaǵy Sizderdiń jarqyn baǵdarlamalaryńyz kórermenniń júrek qylyn shertip, erekshe áser syilady. Tanymal kompozitor Antonio Vivaldidiń barokko stilindegi shoqtyǵy biik «Jyl mezgilderi» toptamasyndaǵy «Jaz» kontsertin óńdep, qońyr dombyramen oryndap, halqymyzdyń kieli aspabyn dáriptep kelesizder. Sizderdiń mýzykaǵa degen qushtarlyqtaryńyz ben tapqyrlyqtaryńyzdyń aiqyn aiǵaǵy bolǵan osy júlde álemdik deńgeidegi tolaiym tabystardyń bastaýy bolsyn.
Aldaǵy ýaqytta da elimizdiń rýhani-mádeni salasyn baiytý jolyndaǵy eseli eńbekterińizdiń jemisti bolýyna tilektespin», - dedi Aqtoty Raiymqulova.
Eske sala ketsek, Temirlan Oljabai Ernat Naýryzben dýette Halyqaralyq Golden Time Talent festivalinde birinshi oryn aldy. Grand-final onlain formatta ótti. Mýzykanttar Vivaldidiń toptamasynan avtorlyq óńdeýde «Jyl mezgilderi» («Jaz») týyndysyn oinady. Videony Ulybritaniia men Qazaqstan komandasy túsigen.
