Foto: ethnopetersburg.ru
Aqtóbe oblysynda áleýmettik jelide «dombyra – haram» dep málimdegen er adam ustalyp, qamaýǵa alyndy, dep habarlaidy Ult.kz.
Kúdikti jariialaǵan beinejazbada ishekti mýzykalyq aspaptardy, sonyń ishinde dombyrany da tyiym salynǵan dep ataǵan. Bul pikir qoǵamda úlken narazylyq týdyrdy.
Politsiia málimetinshe, er adam áleýmettik jelilerde dini negizde arazdyq pen óshpendilikti qozdyrýǵa baǵyttalǵan materialdar jariialaǵan.
Jedel-izdestirý sharalary barysynda onyń jeke basy anyqtalyp, ustaldy. Qazirgi ýaqytta kúdikti ýaqytsha ustaý izoliatoryna qamalǵan.
Sot sanktsiiasymen oǵan qamaýda ustaý túrindegi bultartpaý sharasy taǵaiyndaldy. Is boiynsha sotqa deiingi tergeý jalǵasyp jatyr.
