Doktorantýra emtihandary oblys ortalyqtaryndaǵy testileý pýnkterinde ǵana ótýi tiis. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Bul máseleni birneshe ret talqyladyq. Joǵary oqý oryndary máseleni biledi dep oilaimyn. Ózderińiz bilesizder, biyl doktorantýraǵa qabyldaýdy elektrondy formatqa kóshirip jatyrmyz. Magistratýra boiynsha ótken jyly pilottyq formatta birinshi ret elektrondy túrde ótkizgen edik. Biyl magistratýraǵa qabyldaý osy formatta jalǵasatyn bolady.
Al doktorantýraǵa qabyldaý alǵash ret elektrondy formatta ótedi. Bul, eń bastysy, akademiialyq adaldyq qaǵidattaryn saqtaýǵa baǵyttalǵan. Sondyqtan jergilikti baqylaý departamentteri osy jumysty qamtamasyz etsin. Árine, emtihandar oblys ortalyqtarynda ornalasqan testileý pýnkterinde ǵana ótýi kerek. Osy pýnkterde ǵana testileýdi uiymdastyratyn bolamyz», - dedi Ashat Aimaǵambetov ministrliktiń apparat jinalysynda.
Aita keteiik, qazirgi ýaqytta magistýratýra jáne doktorantýraǵa qujattar Ulttyq testileý ortalyǵynyń aqparattyq júiesi arqyly qabyldanyp jatyr.
Magistratýraǵa keshendi testileý 20 shildeden 10 tamyzǵa deiin jalǵasady. Al doktorantýraǵa túsý emtihany 4-20 tamyz aralyǵynda ótedi.
