Ulttyq ekonomika ministri Áset Erǵaliev Qazaqstandy Doing Business reitinginde 20 úzdik eldiń qataryna engizý úshin tiisti zań jobasy ázirlenip jatqanyn málim etti, dep habarlaidy QazAqparat.
«Biznesti ashý jáne júrgizý úshin ári qarai jaǵdaidy jaqsartý maqsatynda Doing Business reitinginde 20 úzdik eldiń qataryna kirý úshin birqatar is sharalar ázirlenýde. Osy maqsattardy iske asyrý úshin tiisti zań jobasy ázirlenýde. Zań jobasy biznes qyzmetiniń túrli salalaryndaǵy 23 mańyzdy reformany qamtityn bolady», - dedi ol.
Ministr kásipkerlerdi qoldaý úshin Ulttyq kásipkerler palatasymen, biznes-ombýdsmenmen, biznes qaýymdastyqtarymen ózara belsendi túrde jumys júrgizilip jatqanyn atady.
«Bul jumys Úkimet janyndaǵy Kásipkerlik máseleleri jónindegi jobalyq ofis aiasynda júzege asyrylady. Ulttyq ekonomika ministrligi Shaǵyn jáne orta biznes jaǵdaiyn belsendi monitoringin jalǵastyratyn bolady», - Áset Erǵaliev.
