Bul týraly búgin SIM apta saiynǵy brifingi barysynda vedomstvo baspasóz qyzmetiniń basshysy Aibek Smadiiarov aitty, dep habarlaidy Baq.kz.
«1 qarashada RF úkimetiniń tóraǵasy Dmitrii Medvedev Qazaqstan Respýblikasyna resmi saparmen keledi. Sapar barysynda memleket basshylyǵymen kezdesý josparlanýda. Qazaqstan men Resei úkimetteri basshylarynyń arasynda ótetin kezdesýde Qazaqstan-Resei saýda-ekonomikalyq, óńiraralyq, kóliktik-tranzittik damý perspektivalary jáne olardyń aǵymdaǵy jaǵdaiyn, sondai-aq Baiqońyr kesheninde ózara árekettestik máseleleri boiynsha pikir almasady. Sonymen birge taraptar eki eldiń integratsiialyq sheńberindegi ózara is-qimyl máselelerin talqylaidy», - dedi baspasóz hatshysy.
SIM ókili qarashanyń basynda Braziliia SIM Astanaǵa resmi saparmen keletinin de aitty.
«1-2 qarasha Braziliia SIM Aloizio Nýnes Astanaǵa Qazaqstan-Braziliialyq qarym-qatynastary tarihynda alǵashqy resmi saparmen keledi. Resmi sapar Qazaqstan men Braziliia arasyndaǵy diplomatiialyq qatynastardyń ornatylýyna 25 jyl tolýy qarsańynda jáne eki el yntymaqtastyǵynyń dostyǵyn bekitýge jańa kezeńin bastamaq», - dep málimdedi Smadiiarov.
2017 jyldyń qorytyndysy boiynsha eki el arasyndaǵy taýar ainalymy 135 mln AQSh dollarynan asty. 2016 jyldan bastap elder arasynda vizasyz rejim ornatylǵan.
Sonymen qatar, Aibek Smadiiarov brifing barysynda Batys Saharadaǵy referendým missiiasynda júrgen qazaqstandyq úsh áskeri qyzmetker elge oralatynyn aitqan bolatyn.
