Sloveniiada júzýden álem chempionatyna jáne Olimpiada oiyndaryna irikteý saiysy sanalatyn halyqaralyq týrnirdiń ekinshi jarys kúni aiaqtaldy. Qazaqstandyq Dmitrii Balandin tórtinshi «altynyna» qol jetkizdi, dep habarlaidy QazAqparat.
QR Ulttyq Olimpiadalyq komitetinen málim etkendei, 2016 jylǵy Olimpiada oiyndarynyń chempiony Balandin 100 metrge brass ádisimen júzýden top jardy. Sondai-aq, Diana Nazarova 50 metrge, Anastasiia Rezvantseva 200 metrge shalqalap júzýden týrnirdiń altyn medaline qol jetkizdi.
Ádilbek Mýsin 50 metrge batterfliai ádisimen, Adelina Pchelintseva 100 metrge brass ádisimen júzýden ekinshi oryn ielengenin aita ketken jón.
Erler arasyndaǵy keshendi estafetada Ádil Qasqabai, Ádilbek Mýsin, Dmitrii Balandin men Aleksandr Varakin tórttigi chempion atansa, qyzdar komandasy dál osy baǵdarlamada kúmisten alqa taqty.
Eske sala keteiik, alǵashqy jarys kúninde qazaqstandyq júzgishter 11 medal jeńip aldy.
