Qazaqstandyq Dmitrii Balandin Qytaidyń Shenchjen qalasynda ótip jatqan Champion Swim Series týrniriniń ekinshi jarys kúninde brass ádisimen 200 metrge júzýde 2:13.58 nátije kórsetip, úshinshi orynǵa ie boldy, dep habarlaidy QazAqparat.
Birinshi jáne ekinshi oryndar niderlandylyq Arno Kamminga (2:09.00) men nemis Markýsý Kohqa (2:09.81) buiyrdy.
Champion Swim Series Halyqaralyq sý sporty túrleri federatsiiasynyń (FINA) týrniri jáne Shenchjen qalasynda onyń birinshi kezeńi ótýde. Jalpy júlde qory 1,2 mln dollardy quraidy.
Champion Swim Series týrniriniń ekinshi kezeńi 18-19 qańtar kúnderi Beijińde ótedi.
Buǵan deiin, qazaqstandyq sportshy Dmitrii Balandin brass ádisimen 100 metrge júzýden 1:00.55 nátijesin kórsetip, «qola» ielengen bolatyn.
