Áleýmettik jelide ánshi Sadraddin Bolattyń jańa sahnalyq obrazy qyzý talqyǵa tústi. Erekshe kiim úlgisine qatysty túrli pikir aitylǵannan keiin obraz avtory, «Arunaz Atelier» brendiniń negizin qalaýshy Nazym Qarpyqova synǵa jaýap berdi, dep habarlaidy ult.kz.

Dizainerdiń sózinshe, sahnalyq kiimdi ázirleýge nebári eki kún ýaqyt berilgen. Aldymen birneshe eskiz daiyndalyp, olardyń arasynan Sadraddin men onyń komandasyna unaǵan nusqa tańdalǵan. Osydan keiin dizainerler qysqa merzim ishinde obrazdy tolyq daiyndap shyqqan.

Nazym Qarpyqova kiimdegi basty detaldardyń biri - korset ekenin atap ótti. Ony jasaý úshin sheberlerge tynymsyz eńbek etýge týra kelgen.

"Eki kúnniń ishinde tigip úlgerdik. Ústindegi korsetti masterimiz uiyqtamastan jasap shyqty. Sadraddindi zamanaýi batyr retinde kórsetkimiz keldi. Ony jańa stilde kórý kópshilikke unasa, keibirine unamai jatyr. Ózime qatty unady", - dedi dizainer.

Onyń aitýynsha, obrazdy jasaýdaǵy negizgi maqsat - dástúrli batyr beinesin sol kúiinde qaitalaý emes, ony zamanaýi sahnalyq sánmen úilestirip, jańasha interpretatsiia usyný bolǵan.

Ánshiniń obrazy jariialanǵannan keiin jeli qoldanýshylary ekige bólindi. Biri Sadraddinniń eksperimentten qoryqpai, sahnalyq stilin ózgertkenin qoldasa, endi biri kiimniń jekelegen elementterin synǵa aldy.

Aita keteiik, Sadraddin kópbalaly jalǵyzbasty anaǵa páter syilady.

Sadraddin kim? Jas ánshiniń shyǵarmashylyq joly

Sadraddin laqap atymen tanylǵan Sadraddin Bolat - qazaqstandyq ánshi ári án avtory. Ol 2003 jylǵy 4 maýsymda Shymkentte dúniege kelgen. Ónerge jaqyn otbasynda ósken ánshi sahnaǵa bes jasynan shyǵa bastaǵan. Anasy - Qurmanǵazy atyndaǵy Qazaq ulttyq konservatoriiasynyń túlegi, qobyzshy.

Sadraddin bala kezinen túrli mýzykalyq baiqaýlarǵa qatysqan. 12 jasynda «Aialaǵan Astana» respýblikalyq televiziialyq baiqaýynda birinshi oryn alyp, keiin «Dala Daryny» jobasynyń jeńimpazy atandy. Sondai-aq «Bala daýysy» ulttyq mýzykalyq baiqaýynda óner kórsetken.

2019 jyly Shymkenttegi óner mektebin aiaqtap, Almatydaǵy P. I. Chaikovskii atyndaǵy mýzykalyq kolledjdiń estradalyq vokal bólimine oqýǵa túsken. Almatyǵa kóshkennen keiin áleýmettik jelide kaverler jariialap, keiin ózi jazǵan ánderin shyǵara bastaidy.

Ánshiniń keńinen tanylýyna alǵashqy týyndylarynyń biri - «Aliia» áni yqpal etti. Keiin onyń birqatar lirikalyq kompozitsiiasy tyńdarman arasynda tanymal boldy. Sadraddin óz repertýaryndaǵy ánderdiń avtory retinde de belgili.

2023 jyly ol Almaty Arenada alǵashqy iri jeke kontsertin ótkizip, oǵan shamamen 12 myń kórermen jinaldy. Bir jyldan keiin Ortalyq stadiondaǵy kontsertin 30 myńǵa jýyq adam tamashalaǵan. Forbes Kazakhstan dereginde onyń mýzykalyq platformalardaǵy tyńdalymdary ondaǵan millionǵa jetkeni aitylady.

2024 jyly Sadraddin Ticketon Award syilyǵynda «Qazaqstandyq jyl ártisi» atanyp, «Estrada» nominatsiiasy boiynsha memlekettik «Daryn» jastar syilyǵynyń laýreaty boldy.