Jekeshelendirýge jatatyn nysandar tizimine engizý úshin birqatar basty kriterii bekitildi. Bul týraly Parlament palatalarynyń birlesken otyrysynda 2021 jylǵy respýblikalyq biýdjettiń atqarylýy týraly esepti qaraý kezinde Premer-Ministrdiń orynbasary–Qarjy ministri Erulan Jamaýbaev málim etti, dep habarlaidy QazAqparat.
«Qazirgi ýaqytta Jekeshelendirýdiń 2021-2025 jyldarǵa arnalǵan keshendi jospary boiynsha jumystar júrgizilip jatyr. Bul rette halyqtyń ómir súrýin qamtamasyz etetin jáne tabiǵi monopoliialar sýbektilerine jatatyn obektilerdi alyp tastaý qarastyrylady. Memleket basshysynyń tapsyrmasyn oryndaý maqsatynda jekeshelendirýge jatatyn obektiler tizimine engizý úshin birqatar basty kriterii bekitildi», - dedi Jamaýbaev
Onyń aitýynsha, bul jerde negizgi maqsat – memleket úlesin azaita otyryp, kásipkerlikti damytý jáne jekeshelendirýden qomaqty qarajat túsirý.
«Kvazimemlekettik sektor sýbektileriniń aktivterin basqarýǵa kelsek, Úkimet qazirgi ýaqytta ony reformalaý, onyń ishinde dividendtik saiasatty qaita qaraý boiynsha tásilder ázirlep jatyr», - dedi Úkimet basshysynyń orynbasary.
