Densaýlyq saqtaý vitse-ministri Ajar Ǵinaiat dispanserlik esepte turǵan naýqastardyń, sozylmaly aýrýlary bar adamdardyń vaktsina alý múmkindigi týraly málimet berdi, dep habarlaidy QazAqparat.
«Árbir vaktsinany kimniń almaýy kerektigi týraly turaqty erejeleri bar. Qazir qandai da bir syrqatpen aýyryp júrgen adamdarǵa jazylǵanǵa deiin vaktsina almaýǵa bolady. Osy vaktsina quramyndaǵy keibir elementterge gipersezimtaldyǵy, iaǵni, allergiialyq reaktsiiasy bolsa, aýyr allergiialary bar adamdarǵa vaktsina almaýǵa bolady. Olardyń bári – arnaiy esepte turǵan adamdar», - dedi vedomstvo ókili.
Densaýlyq saqtaý ministriniń orynbasary tipti sozylmaly aýrýlary bar adamdarǵa da qazir da dárigerler ýaqytsha medtsitsinalyq qarsy kórsetilm berip jatqanan eske saldy.
«Tek qant diaebtiniń óte aýyr satysyna jetken naýqastardy dárigerler qaraýy kerek. Emdep, qan taldaýlaryn jaqsartqannan keiin ol adamdarǵa da vaktsina salynyp jatyr. Óitkeni ólim-jitim óte kóbeiip ketti. Kúnine 60-tan astam ólim tirkelip otyr», - deidi Ajar Ǵinaiat.
Vitse-ministr dispanserlik esepte turǵannyń bári vaktsina almaýy kerek degen túsinik durys emes ekenin túsindirdi.
«Dispanserlik esepte 12 myńnan astam aýrý bar. Sol aýrýlardyń ishinde tek qana aýyr allergiiasy bar adamdarǵa meditsinalyq qarsy kórsetilim berilip jatyr. Qalǵan adamdarǵa densaýlyǵyna bailanysty sheshim qabyldanady. Eger sozylmaly aýrýlary asqynyp turmaǵan bolsa, ekpe alýy kerek», - dedi ministrdiń orynbasary.
