Muǵalim ata-anadan aqsha alýǵa qabiletti psiholog degen túsinik bar. QR Sybailas jemqorlyqqa qarsy is-qimyl agenttiginde ótken brifingte «Adal bilim» jobalyq keńesiniń ákimshisi Sergei Pen osyndai pikir bildirdi.
«Bizge Lázzat Musanova esimdi muǵalim jaliýzige aqsha jinaý boiynsha shaǵymdandy. Munyń jalpy sipat alyp ketkenin bilemiz. Artynsha kóptegen óńirlerden muǵalimder shaǵymdanyp, keibiri anonimdi túrde mundai úrdistiń bar ekenin rastady. Bul, jergilikti atqarýshy organdardyń tikelei jaýapty aimaǵy. Mektep ákimshiligi pedagogtarǵa jumys modelin burmalap jetkizedi. Ár muǵalim óz synybynda nemese pán kabinetinde úleisim men jinaqylyq, kórnekilik qalyptastyrýǵa mindetti degen túsinik tańylady. Eger oǵan aqsha jetpese basqa joldaryn oilastyrý kerektigi de aitylady. Osy jerden stend ilý, perde alý, bólme gúlderin qoiý jumystary májbúrli jumysqa ainalady. Muǵalim degenimiz – tájiribeli psiholog, ol ata-analardy aqsha jinaýǵa jumyldyra alady degen túsinik tańylady. Mundaiǵa jol berilmeýi kerek. Jergilikti atqarýshy organdar bul maqsattarǵa jetkilikti mólsherde qarajat bóledi. Shyǵynnyń barlyq baptary qarastyrylǵan. Tek tiisti baqylaý ornatý qajet. Biz muny mektep basshylaryna ǵana emes, pedagogtarǵa da qaratyp aitamyz. Ondai oqiǵalardy jaryqqa shyǵarýdan qoryqpańyzdar», - dedi sarapshy.
Ol aqsha jinaýǵa májbúrleý oqiǵalary týraly jasqanbai habarlaýǵa shaqyrdy.
«Biz barlyq ata-analar men pedagogtardy aqsha jinaýmen birlesip kúresýge shaqyramyz», - dedi S.Pen.
