«Diplommen aýylǵa» jobasyna qatysýshylardyń 96 paiyzy qoiylǵan mindettemelerdi adal oryndaidy. Bul jaiynda QR Premer-Ministri Álihan Smaiylovtyń Senat depýtattarynyń saýalyna bergen jaýabynda aitylǵan, dep habarlaidy QazAqparat.
«Diplommen aýylǵa» jobasyn iske asyrýdyń tiimdiligin anyqtaý úshin 2010-2019 jyldary aýyldyq eldi mekenderde áleýmettik sala jáne AÓK mamandarynyń bekitilýine taldaý júrgizildi. Osylaisha, 31 myńnan astam maman biýdjettik kredit aldy. Onyń 4 paiyzy 3 jyldyq merzimdi óteý jónindegi kelisimniń sharttaryn buzdy», - dep atap ótedi Úkimet basshysy jaýabynda.
Onyń aitýynsha, Ulttyq ekonomika, Qarjy ministrlikterimen jáne «Agrarlyq nesie korporatsiiasy» AQ tarapynan joba boiynsha biýdjet qarajatyn igerý, shart jasasý, kredit boiynsha josyqsyz tóleýshilerdiń tizimin usyna otyryp, kredit bereshegin anyqtaý monitoringi turaqty júrgiziledi.
Júrgizilgen jumys qorytyndysy boiynsha qaitarymdy qarajatty tiimdi arttyrý boiynsha is-sharalar qabyldanyp jatyr.
«Máselen, 2020 jyly aýyldyq eldi mekenderge jumys isteý jáne turý úshin kelgen densaýlyq saqtaý, bilim, áleýmettik qamsyzdandyrý, mádeniet, sport jáne agroónerkásiptik keshen salasyndaǵy mamandarǵa áleýmettik qoldaý sharalaryn usyný erejesine buryn berilgen kredit boiynsha ótelmegen merzimi ótken bereshegi joq mamandarǵa, sondai-aq sońǵy 2 jylda kúntizbelik 90 kúnnen astam merzimi ótpegen jaǵdaida biýdjettik kredit túrinde áleýmettik qoldaý sharalaryn usyný bóliginde ózgerister engizildi. «Agrarlyq nesie korporatsiiasy» AQ aqparaty boiynsha jobany iske asyrý monitoringiniń qorytyndysyn taldaý 2013 jyldan bastap biýdjettik kredit túrinde áleýmettik qoldaý alǵandardyń jalpy sanynyń 96 paiyzy qoiylǵan mindettemelerdi adal oryndaitynyn kórsetti», - dedi Álihan Smaiylov.
