QMDB tóraǵasy, Bas múfti Naýryzbai qajy Taǵanuly meshitterge «Ashyq» mobildi qosymshasyn engizý týraly suraqtarǵa jaýap berdi, dep habarlaidy "Ult aqparat".
«Meshitterge «Ashyq» júiesi engizile me? Engizilse, bul jumystar qashan bastalady?», - degen suraq qoiyldy Ortalyq kommýnikatsiialar qyzmetindegi baspasóz máslihatynda. «Qazirgi ýaqytta bizdiń tájiribemizde ashyq júiesi engizilgen joq. Degenmen, biz oǵan daiyn ekenimizdi Densaýlyq saqtaý ministrligine habardar ettik. Eger de meshitterge ashyq júiesi qoiylsa, biz ony qoldaimyz jáne jamaǵatpen jumys isteýge daiyn ekenimizdi jetkizemiz. Árine, biz úshin eń bastysy – eldiń, halyqtyń amandyǵy, densaýlyǵy», - dep jaýap berdi Naýryzbai qajy Taǵanuly.
Aita keteiik, biyl qurbandyq shalatyn arnaiy oryndarda «ASHYQ» mobildi qosymshasy iske qosylady. «Qyzyl» jáne «sary» mártebesi bar azamattar qurbandyq shalý oryndaryna jiberilmeidi, onda «kók», «jasyl» mártebesi barlar ǵana kirgiziledi.
Biyl 20 shilde – Qurban ait merekesiniń birinshi kúni. Al arapa kúni 19 shildege sáikes keledi.
