Foto: muftyat.kz
Qazaqstan musylmandarynyń dini basqarmasy Qostanai oblysy imamynyń mas bolyp kólik aidap ustalǵan qylyǵyna orai keshirim surady, -dep habarlaidy "Ult Aqparat" inform.kz silteme jasap.
Eske sala keteiik, buǵan deiin Qostanai oblysynyń imamy Bahytbek Tájimbettiń 23 shildede Aqmola oblysynyń Býrabai kentinde avtokóligin mas kúiinde júrgizip, jol erejesin buzǵanyn habarlaǵan bolatynbyz.
Ony tártip saqshylary Býrabaidaǵy «Region» túngi klýbynyń janynda «Hailandr» kóligimen ketip bara jatqanda qolǵa túsirgen.
Imamǵa hattama toltyrylyp, 15 táýlikke qamaýǵa alyndy.
Osy oqiǵaǵa bailanysty Qazaqstan musylmandary dini basqarmasy málimdeme jasady.
«Dini basqarmanyń qyzmet júiesinde zań normalaryn jáne din qyzmetkeri etikasyn óreskel buzatyn jeke tulǵalardyń dini salada jumys isteýine moraldyq turǵydan quqyǵy joq. QMDB din qyzmetkerine laiyqsyz áreket jasaǵan Bahytbek Tájimbetti Qostanai oblysynyń bas imamy qyzmetinen bosatty. Qazaqstan musylmandary dini basqarmasy bolǵan oqiǵany úlken ókinishpen qabyldap, elimizdegi musylman jamaǵatynan keshirim suraidy. Alla Taǵala barshamyzdy jamandyq pen ókinishti isterge jeteleitin nápsi qalaýynyń kesirinen saqtaǵai» deidi uiymnan.
