فوتو: muftyat.kz
قازاقستان مۇسىلماندارىنىڭ دٸني باسقارماسى قوستاناي وبلىسى يمامىنىڭ ماس بولىپ كٶلٸك ايداپ ۇستالعان قىلىعىنا وراي كەشٸرٸم سۇرادى, -دەپ حابارلايدى "ۇلت اقپارات" inform.kz سٸلتەمە جاساپ.
ەسكە سالا كەتەيٸك, بۇعان دەيٸن قوستاناي وبلىسىنىڭ يمامى باحىتبەك تەجٸمبەتتٸڭ 23 شٸلدەدە اقمولا وبلىسىنىڭ بۋراباي كەنتٸندە اۆتوكٶلٸگٸن ماس كٷيٸندە جٷرگٸزٸپ, جول ەرەجەسٸن بۇزعانىن حابارلاعان بولاتىنبىز.
ونى تەرتٸپ ساقشىلارى بۋرابايداعى «رەگيون» تٷنگٸ كلۋبىنىڭ جانىندا «حايلاندر» كٶلٸگٸمەن كەتٸپ بارا جاتقاندا قولعا تٷسٸرگەن.
يمامعا حاتتاما تولتىرىلىپ, 15 تەۋلٸككە قاماۋعا الىندى.
وسى وقيعاعا بايلانىستى قازاقستان مۇسىلماندارى دٸني باسقارماسى مەلٸمدەمە جاسادى.
«دٸني باسقارمانىڭ قىزمەت جٷيەسٸندە زاڭ نورمالارىن جەنە دٸن قىزمەتكەرٸ ەتيكاسىن ٶرەسكەل بۇزاتىن جەكە تۇلعالاردىڭ دٸني سالادا جۇمىس ٸستەۋٸنە مورالدىق تۇرعىدان قۇقىعى جوق. قمدب دٸن قىزمەتكەرٸنە لايىقسىز ەرەكەت جاساعان باحىتبەك تەجٸمبەتتٸ قوستاناي وبلىسىنىڭ باس يمامى قىزمەتٸنەن بوساتتى. قازاقستان مۇسىلماندارى دٸني باسقارماسى بولعان وقيعانى ٷلكەن ٶكٸنٸشپەن قابىلداپ, ەلٸمٸزدەگٸ مۇسىلمان جاماعاتىنان كەشٸرٸم سۇرايدى. اللا تاعالا بارشامىزدى جاماندىق پەن ٶكٸنٸشتٸ ٸستەرگە جەتەلەيتٸن نەپسٸ قالاۋىنىڭ كەسٸرٸنەن ساقتاعاي» دەيدٸ ۇيىمنان.
