Álemdik jáne dástúrli dinder kóshbasshylary sezi hatshylyǵynyń HIH otyrysynda Dinaralyq dialogqa qosqan úlesi úshin Astana halyqaralyq syilyǵyna úmitkerlerge jańa ólshemsharttar qabyldandy, dep habarlaidy QazAqparat.
«Jumys toby hatshylyqtyń bekitýine kelesi ólshemsharttardy usynady: Astana halyqaralyq syilyǵyna jáne qurmet medaline úmitker retinde tulǵa nemese uiym usynyla alady. Olar kelesi ólshemsharttarǵa sai kelýi tiis - qoǵamda jáne memlekette adamgershilikti, ózara qurmetti, úilesimdikti nyǵaitýda dinaralyq jáne órkenietaralyq dialogty damytýǵa ári ilgeriletýge zor úles qosýy. Ekinshiden – Álemdik jáne dástúrli dinder kóshbasshylary sezderiniń jumysyna qatysýy», - dedi hatshylyq otyrysynda QR Aqparat jáne qoǵamdyq damý vitse-ministri Serik Egizbaev.
Onyń atap ótýinshe, úshinshiden, úmitkerler sezd, hatshylyq jalpy, sektsiialyq otyrystarynda ózekti máseleler boiynsha sóz sóileýi qajet. Tórtinshiden, Álemdik jáne dástúrli dinder kóshbasshylary seziniń bastamashysy QR Tuńǵysh Prezidenti – Elbasy Nursultan Nazarbaevtyń jahandyq ideialary men bastamalaryn álemdik qoǵamdastyqta ilgeriletýi kerek.
«Qabyldanǵan sheshimder jumys toby otyrysynyń hattamasynda kórsetilgen», - dep túiindedi sózin vitse-ministr.
Osy oraida QR Parlamenti Senatynyń tóraǵasy – Álemdik jáne dástúrli dinder liderleri sezi hatshylyǵynyń basshysy Máýlen Áshimbaev Astana halyqaralyq syilyǵy qazaqstandyq nagrada bolǵandyqtan sheshimdi sezd qarsańynda QR Prezidenti qabyldaityndyǵyn atap ótti. Osydan keiin hatshylyq otyrysyna qatysýshylar jariia etilgen ólshemsharttardy biraýyzdan qabyldady.
