Angliianyń Men aralynda Grand Swiss Halyqaralyq shahmat týrniri aiaqtaldy. Bul FIDE týrnirleriniń eń iri jarystarynyń biri – 11 týrǵa sozylatyn uzaq qashyqtyqty jarys bolyp tabylady, dep habarlaidy "Ult aqparat".
QR shahmat federatsiiasynan málim etkendei, jarysqa álemniń 40-tan astam elinen 150 myqty shahmatshy qatysty. Týrnirdiń deńgeiin Magnýs Karlsen, Fabiano Karýana, Levon Aronian jáne álemge belgili ózge de shahmatshylardyń qatysýynan-aq bilýge bolady. Qatysýshylardyń ortasha reitingi 2605-ti qurady.
Qazaqstandyq shahmatshy Dinara Sádýaqasova sátti óner kórsete bilgen. Ol áielder arasynda úndi sportshysy Harika Dronavallimen 1 jáne 2-oryndardy bólisti.
«Bul ózimdi kórsetýge tamasha múmkindik boldy. Kún saiyn myqty oiynshylarmen oinaisyń. Bar kúshimdi saldym. Buǵan úlken qobaljýdy qosyńyz. Ne degenmen – úlken distantsiia ǵoi. Meniń barlyq qarsylastarym álemdik shahmat elitasy – «altyjúzdikter» tobyndaǵy grossmeisterler. Bul quram meni úreilendirgen joq, kerisinshe, ózimdi tekserýge qulshynys týdyrdy», - dedi Dinara.
Grand Swiss týrnirinen keiin D. Sádýaqasovanyń reitingi 2505 boldy. Endi ol álemniń eń myqty shahmatshylary arasynda 11-shi orynda tur. Bul – qazaqstandyq áielder shahmaty úshin rekord.
