Qazaqstannyń jetekshi infektsionist dárigeri, meditsina ǵylymdarynyń doktory Dinagúl Baesheva koronavirýs infektsiiasy ózine qalaisha psihologiialyq turǵyda áser etkenin aitty, dep habarlaidy QazAqparat.
«Ótken aptada men jaǵdaiy aýyr bir balany kórdim. Alaida onyń koronavirýs infektsiiasyn juqtyryp alǵanyn múlde oilamadyq ta. Sebebi ata-anasy eshkimmen bailanys bolmaǵanyn alǵa tartty. Alaida balanyń jaǵdaiy shynynda da aýyr edi. Aqyry testten ótkizip, onyń shynynda da koronavirýs infektsiiasyn juqtyryp alǵany rastaldy», - dedi Dinagúl Baesheva Densaýlyq saqtaý ministrliginiń Facebook paraqshasyndaǵy «Ministrlik habarlaidy» aidarynda.
Qazaqstannyń jetekshi infektsionist dárigeri baladan koronavirýs rastalǵannan keiin ózi de qatty úreilenip qalǵanyn jasyrmady.
«Men koronavirýs infektsiiasyn juqtyryp alǵanyma júz paiyz senimdi boldym. Dene qyzýym kóterilip ketti. Býyndarym qaqsai bastady. Tanystarymnyń bárine qońyraý shala bastadym. Biraq aqyry aqylǵa keldim. Qaitadan ystyǵymdy ólshesem +36,7 gradýs bolyp tur eken. Tań qaldym. Sóitsem bul psihosomatika eken. Sol sebepti «bizdi aýrýdan buryn úrei men baibalam óltiredi-aý» degen oiǵa keldim», - deidi ol.
