قازاقستاننىڭ جەتەكشٸ ينفەكتسيونيست دەرٸگەرٸ, مەديتسينا عىلىمدارىنىڭ دوكتورى ديناگٷل باەشەۆا كوروناۆيرۋس ينفەكتسيياسى ٶزٸنە قالايشا پسيحولوگييالىق تۇرعىدا ەسەر ەتكەنٸن ايتتى, دەپ حابارلايدى قازاقپارات.
«ٶتكەن اپتادا مەن جاعدايى اۋىر بٸر بالانى كٶردٸم. الايدا ونىڭ كوروناۆيرۋس ينفەكتسيياسىن جۇقتىرىپ العانىن مٷلدە ويلامادىق تا. سەبەبٸ اتا-اناسى ەشكٸممەن بايلانىس بولماعانىن العا تارتتى. الايدا بالانىڭ جاعدايى شىنىندا دا اۋىر ەدٸ. اقىرى تەستتەن ٶتكٸزٸپ, ونىڭ شىنىندا دا كوروناۆيرۋس ينفەكتسيياسىن جۇقتىرىپ العانى راستالدى», - دەدٸ ديناگٷل باەشەۆا دەنساۋلىق ساقتاۋ مينيسترلٸگٸنٸڭ Facebook پاراقشاسىنداعى «مينيسترلٸك حابارلايدى» ايدارىندا.
قازاقستاننىڭ جەتەكشٸ ينفەكتسيونيست دەرٸگەرٸ بالادان كوروناۆيرۋس راستالعاننان كەيٸن ٶزٸ دە قاتتى ٷرەيلەنٸپ قالعانىن جاسىرمادى.
«مەن كوروناۆيرۋس ينفەكتسيياسىن جۇقتىرىپ العانىما جٷز پايىز سەنٸمدٸ بولدىم. دەنە قىزۋىم كٶتەرٸلٸپ كەتتٸ. بۋىندارىم قاقساي باستادى. تانىستارىمنىڭ بەرٸنە قوڭىراۋ شالا باستادىم. بٸراق اقىرى اقىلعا كەلدٸم. قايتادان ىستىعىمدى ٶلشەسەم +36,7 گرادۋس بولىپ تۇر ەكەن. تاڭ قالدىم. سٶيتسەم بۇل پسيحوسوماتيكا ەكەن. سول سەبەپتٸ «بٸزدٸ اۋرۋدان بۇرىن ٷرەي مەن بايبالام ٶلتٸرەدٸ-اۋ» دەگەن ويعا كەلدٸم», - دەيدٸ ول.
