"Eýropa kórgender halyqpen "tet-a-tet" jumys isteýden qashpaidy", pálen-páshtúgin dep asyra maqtap keldik qoi osy shette oqyp, shette jumys istegenderdi. Anyǵynda, olai emes eken.
Mysaly, Áset Isekeshov - elde júrip eseigen azamat. Jahandyq jelide halyqpen emen-jarqyn sóilesip, turǵyndardy mazalaǵan saýalǵa birden jaýap qaiyryp, tipti kommentterde kóppen aralasyp-quralasyp otyrady. Odan onyń abyroiy artpasa - kemigen joq.
"Bolashaqpen" Ulybritaniiada oqyp kelgen ekonomika ministri Qýandyq Bishimbaev jemqorlyq boiynsha ustalyp ketti, máskeýlik túlek Baǵlan Mailybaevtyń odan soraqy qylmyspen aty shyqty...
Al, endi Eýropada uzaq jyl jumys istep kelgen azamattardyń biri dep arqa súiegen azamatymyz, Bilim jáne Ǵylym ministri Erlan Saǵadievke el ustazdary ótken jyldyń qarasha aiynda Úndeý tastady. Úndeýge únsizdik tanytqan soń, men qoǵamdyq ombýdsmen retinde eki apta buryn ministrge úshbý hatty tapsyrdym. Áli jaýap joq. Tas qamalyna tyǵylǵan tasbaqadai tas búrkenip áli otyr... Sol Úndeýde kóterilgen máselege syrt qaramai qaita Aqparat ministri Dáýren Abaev pen "Egemenniń" basshysy Darhan Qydyráli ózderine qatysty máseleni sheship úlgirdi. Otandyq muǵalimder budan bylai memlekettik gazetterge qyshtap jappai jazylmaityn boldy. Al, Saǵadievtyń jaýabyn el ustazdary sarsylyp kútip otyr. Álde syrtta tálim alǵan ol, qazaqstandyq ustazdardy mensinbeidi me?
Dina Elgezektiń feisbýktaǵy jazbasynan
