Qazaqstan Respýblikasynyń Prezidenti Nursultan Nazarbaev «Qazaqstan Respýblikasynyń memlekettik basqarý júiesin odan ári jetildirý jónindegi sharalar týraly» Jarlyqqa qol qoidy, dep Aqordanyń baspasóz qyzmeti.
***
Qazaqstan Respýblikasynyń memlekettik basqarý júiesin odan ári jetildirý jónindegi sharalar týraly
Qazaqstan Respýblikasy Konstitýtsiiasynyń 44-babynyń 3) tarmaqshasyna sáikes QAÝLY ETEMIN:
1. Qazaqstan Respýblikasynyń Din isteri jáne azamattyq qoǵam ministrligi Qazaqstan Respýblikasynyń Qoǵamdyq damý ministrligi (budan ári - Ministrlik) bolyp atalsyn.
2. Ministrlikke Qazaqstan Respýblikasy Mádeniet jáne sport ministrliginiń qoǵamdyq kelisim salasynda memlekettik saiasatty iske asyrý jónindegi fýnktsiialary men ókilettikteri berilsin.
3. Qazaqstan Respýblikasynyń Úkimeti:
1) joǵaryda kórsetilgen memlekettik organdardyń shtat sanyn qaita bólýdi;
2) osy Jarlyqty iske asyrý boiynsha ózge de sharalardyń qabyldanýyn qamtamasyz etsin.
4. «Qazaqstan Respýblikasy Úkimetiniń qurylymy týraly» Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna mynadai ózgeris engizilsin:
1-tarmaqta:
«Qazaqstan Respýblikasynyń Din isteri jáne azamattyq qoǵam ministrligi;» degen jol mynadai redaktsiiada jazylsyn:
«Qazaqstan Respýblikasynyń Qoǵamdyq damý ministrligi;».
5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
6. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti N.Nazarbaev
Astana, Aqorda, 2018 jylǵy 28 maýsym
№707
