Dál osyndai taqyrypta Almatyda qalasynda BAQ ókilderi men blogerler úshin aqparattyq oqytý seminary ótti, dep habarlaidy Ult aqparat.
Seminardy teolog, islamtanýshy, Nur-Múbarak ýniversiteti janyndaǵy Ekstremizmniń aldyn alý salasyndaǵy mamandardy qaita daiarlaý institýtynyń direktory Asqar Sabdin jáne Ál-Farabi atyndaǵy Qazaq ulttyq ýniversitetiniń professory, «Qazaqstan Respýblikasyndaǵy lańkestik jáne ekstremizm máselelerin zertteý otalyǵy» qoǵamdyq qorynyń prezidenti Kákimjan Bishmanov júrgizdi.
Sarapshylar dini ekstremizm men terrorizmniń aldyn alý taqyrybynda qalam terbeitin jýrnalisterdiń jiberetin qatelikterin atap ótti.
«Sálafitter, saqaldylar, sholaq balaqtylar - bul jýrnalisterdiń jii qoldanatyn sózderi. Zań turǵysynan alǵanda bul durys emes. Olar - eń aldymen teń quqyly Qazaqstan azamattary, qarapaiym turǵyndar. Sondyqtan, syrtqy kelbetine qarap oǵan kúie jaǵýǵa bolmaidy. Aqparat jazǵanda «sálafitter» degen sózdi jazbas buryn soǵan kóz jetkizgen abzal» dedi Kákimjan Muratjanuly.
BAQ ókilderine arnalǵan seminardyń maqsaty - tilshilerge dini ekstremizm men terrorizmniń ne ekenin túsindirý. «Jýrnalister din salasynyń mamandary emes, sondyqtan olarǵa baǵyt-baǵdar berý kerek» dedi uiymdastyrýshylar.
Mamandardyń aitýynsha, din, dini ekstremizm men terrorizm taqyrybynda maqala jazý óte qiyn. Tipti, qaýipti desek te bolady. Sondyqtan, qate jibermeýge tyrysý kerek. Áleýmettik jelini, telearnany, saittardy milliondaǵan adam oqidy, kóredi, tyńdaidy. Jýrnalistiń bilmestikten jibergen qatesi úlken saiasi daý týdyrýy da múmkin.
Aita keteiik, aqparattyq oqytý seminary 3 kúnge sozyldy. Sharaǵa qatysqan BAQ ókilderi men blogerlerge arnaiy sertifikat berilip, osy taqyrypta jazatyn tilshilerdiń aldaǵy ýaqytta qate jibermeýine úles qosatynyn jetkizdi mamandar.
Sharany Almaty qalasy Qoǵamdyq damý basqarmasy men «Qazaqstan Respýblikasyndaǵy lańkestik jáne ekstremizm máselelerin zertteý otalyǵy» qoǵamdyq qorynyń uiymdastyrǵan.
A.Qýat
.jpg)