Dimash Qudaibergen 10 jeltoqsanda Niý-Iorktegi belgili Barclays Center arenasynda «Arnau tour ENVOY» biregei shoýyn usynady, dep habarlaidy "Ult aqparat".
Qazaqstandyq ánshiniń kontsertine biletter 13 qyrkúiekte satyla bastaǵan, 1,5 ai ishinde Dimashtyń jankúierleri barlyq 7000 biletti satyp alǵan. Onyń 75 paiyzy - amerikalyqtar.
Bul - Dimash talantynyń jarqyn kýási, sondai-aq ánshiniń shyǵarmashylyǵy belgili bir mádeni sheńberden tys ámbebap jáne ártúrli ult pen ulystardyń júreginen oryn alǵanynyń jarqyn úlgisi. Osyndai jankúierler tarapynan kórsetilgen qyzyǵýshylyqqa orai, TIcketmaster.com saitynda Dimashtyń aldaǵy kontsertine fan-zona men shetki qatarlardan taǵy 2000 bilet satylymy ashyldy. Demek, shoýǵa bilet alyp úlgermegender úshin taǵy múmkindik bar.
Dimashtyń Londonda ótken kontsertinde de osyndai anshlag bolǵan. Indigo at the O2 kontsert zaly oryndaýshynyń alǵashqy jeke kontsertine álemniń 45 elinen 4600 kórermenge oryn tartý etti.
Qazaqstan Respýblikasynyń Mádeniet jáne sport ministrligi uiymdastyrǵan kontsert Qazaqstannyń AQSh-taǵy mádeniet kúnderindegi erekshe shara bolmaq. Tartymdy shoý baǵdarlamasy men ánshiniń eliter sahnalyq obrazdaryn qazaqstandyq jas mamandar toby daiyndady.
Qazaqstandyq talantty azamattardyń ortaq jumysy – «Arnau tour ENVOY» baǵdarlamasyn egjei-tegjeili oilastyrylýyna yqpal etti: mýzykalyq súiemeldeý, taqyryptyq fotosessiia, ańdatpa dizainy, bimen súiemeldeý jáne taǵy basqa. Jasalǵan jumystyń nátijesin jurtshylyq 2019 jyldyń jeltoqsanynda kóre alady.
«Arnau tour ENVOY» - 2019 jyldyń jazynda Nur-Sultan qalasynda ótken «ARNAU» kontsertiniń jańarǵan nusqasy. Jańa baǵdarlamada úzdik sátter toptastyrylyp, jańa án, jańa nómirlermen tolyqtyryldy.
Amerikalyq kórermender ARNAU baǵdarlamasynyń úzdik pikirge ie bolǵan jáne búkil álemdegi jankúierler qoldanǵan keibir nómirlerin jańa nusqada kóre alady.
Niý-Iork sahnasynda ótetin shoýdyń kórermenderi úshin Dimash qazaq mýzykasynyń beinesi, elshisi, búkil álem boiynsha elimizdiń mádenietin kóteretin bolady. Dimash qazaq, aǵylshyn, orys pen qytai tilinde jańa jáne eski hitterdi oryndamaq.
Buǵan deiin, qazaqstandyq ánshi Dimash Qudaibergeniń 10 jeltoqsanda Niý-Iorkte (AQSh) jeke kontserti ótetinin jazǵan bolatynbyz.
