Grekiianyń «Radio1 101FM» tanymal radiosynda Dimash Qudaibergenniń ánderi shyrqaldy, – dep habarlaidy dimashnews.com.
Dimashtyń Grekiiadaǵy fan-klýbynyń qatysýshylary onyń ánderin jergilikti radiostantsiialarǵa joldai bastaǵan. Soltústik Grekiiadaǵy tanymal radiolardyń biriniń prodiýseri Anastasiia Konýopi D.Qudaibergenniń shyǵarmashylyǵymen tanysqannan keiin erekshe áser alyp, onyń oryndaýyndaǵy kompozitsiialardy kún saiyn efirge shyǵaratyn bolǵan.
«Qazaqstandyq ánshiniń ánderi radio tolqynynda estile bastaǵannan-aq Anastasiiaǵa sezimge toly jáne tańdanystaryn jasyrmaǵan kóptegen hattar kele bastady. Al «DQGreece» fan-klýbynyń qatysýshylar sany kún sanap artýda. Grekiialyq Dears-tiń endigi armany – Odeon Geroda Attika sahnasynda Afiny qalasynyń ashyq aspany astynda Dimashtyń kontsertin ótkizý», - delingen aqparatta.
Buǵan deiin Dimashtyń ánderi Ispaniia radiosynan, Latviia radiosynan berile bastaǵanyn jazǵan bolatynbyz.
