«Berezka» horeografiialyq ansambli orkestri qazaqtyń áigili «Álqissa» kúiiniń kaverin jasap, orys halyq aspaptarynda oryndady, dep habarlaidy Dimashnews resýrsy.
«Berezka» ansambliniń múshesi Svetlana Zakýnovnyń aitýynsha, «Álqissany» Dimashtyń jáne basqa da mýzykanttardyń oryndaýynda birneshe ret tyńdaǵan. Sodan keiin Svetlanaǵa qazaq kompozitsiiasyna kaver jasaý ideiasy keldi. Oǵan kúidiń erekshe ádemi dybystalýy qatty unady.
Sondai-aq, Svetlana bul kúi orys halyq aspaptary balalaika men domrada da erekshe estiletinin aitady:.
Svetlananyń ideiasyn «Berezka» MAHA (memlekettik akademiialyq horeografiialyq ansambl) orkestrindegi áriptesteri birden qoldady.
«Biz toppen birge jinalyp, kompozitsiiany tyńdadyq, ony aspaptar arasynda partiialarǵa bóldik. Árine, olar bul protseste ózderiniń oilaryn aityp, úles qosty. Qiyn jattyǵýlardan keiin biz qalaǵan nátijege qol jetkizdik, sodan keiin ony jazýdy bastadyq» , – deidi Svetlana.
«Berezka» MAHA orkestri 1959 jyldyń basynda keńestik baletmeister jáne horeograf Nadejda Sergeevna Nadejdinanyń bastamasymen qurylǵan. Buǵan deiin horeografiialyq ansamblde tek 4 baianshy bolǵan. Qazir orkestr aýqymy keńeiip, onda 13 mýzykant jáne 2 vokalist bar.
Orkestrdiń bas dirijeri - Reseidiń halyq ártisi Leonid Smirnov. Al turaqty kórkemdik jetekshisi – KSRO Halyq ártisi Mira Koltsova.
Svetlana Zakýnovanyń ózi 2007 jyldan bastap «Berezka» ansambliniń múshesi. Buǵan deiin ol M.E. Piatnitskii atyndaǵy Memlekettik akademiialyq orys halyq horynyń orkestrinde jumys istedi. Kásibi túrde kishi jáne alto domrada, sondai-aq mandolinde oinaidy.
Svetlana 2 jyldan beri Dimashtyń shyǵarmashylyǵymen tanys. Qazaqstandyq ánshini Qytaidaǵy «I’ m a Singer» baiqaýynda alǵash ret estigen. Dimashtyń Eýraziialyq fan-klýbynyń jáne Moscow Dear-larynyń múshesi.
