Qytaidyń Tencent video portalynda qazaqstandyq ánshi Dimash Qudaibergenniń jańa saýndtregine arnalǵan video jariia etildi, dep habarlaidy Ult.kz tilshisi QazAqparat agenttigine silteme jasap.
Videodan Dimashtyń «Moonlight Blade» atty onlain oiynyna arnalǵan «Ýaqyt-teńiz» (时光·沧海) ánin jazyp jatqanyn bilýge bolady.
Aita keteiik, «Moonlight Blade» - qytailyq Tencent kompaniiasynyń 3D formattaǵy onlain internettik oiyny. Oqiǵa jelisi qytailyq jazýshy Siýn Iaýhýanyń shyǵarmalar jelisiniń tórtinshi bólimi bólimi boiynsha jasalǵan. Ánniń tolyq beinebaiany shilde aiynyń basynda shyǵady dep kútilýde.
Eske sala keteiik, Dimash Qytaidaǵy «Singer 2017» baiqaýynan keiin qytailyq kino «Battle of Memories» kinosynyń saýndtregi «Memories ThatCan't Take Away» áni jáne gollivýdtyq «Power Rangers» filminiń saýndtregi «Go Go Power Rangers» ánin oryndaǵan bolatyn.
