Qazaq ánshisi Dimash Qudaibergen «The World's Best» baiqaýynda ózine qoldaý bildirgen jankúierlerine alǵysyn bildirdi, dep habarlaidy QazAqparat tilshisi.
«Qoldaý bildirgenderińiz úshin barlyqtaryńyzǵa shyn júrekten alǵysymdy aitqym keledi. Baiqaýdyń finalynan bas tartqanyma qaramastan, telekórermender arasynda birinshi orynnan kórinip otyrmyn - onyń bári de sizderdiń arqalaryńyzda bolyp jatyr. Men úshin daýys bergenderdiń báriniń aldynda basymdy iemin. Ózimniń irili de usaq jeńisimniń bárin de jankúierlerime arnaimyn. Shoýdyń Lidian Nedashvaram men Daneliia Tóleshova sekildi jas ónerpazdary Motsart pen Selin Diondai áigili bolsyn. Men olardy jeńisimen quttyqtaimyn!», - dep jazdy Dimash Qudaibergen Instagramdaǵy paraqshasynda.
Eske sala ketsek, ánshi Dimash Qudaibergen Amerikadaǵy «The World's Best» baiqaýynda málimdeme jasap, balalarǵa jol berý úshin shoýdan ketetinin aitqan bolatyn.
Al Daneliia Tóleshova «The World's Best» baiqaýynyń aqtyq kezeńine ótpei, shoýdyń bas júldesi úndistandyq jas pianinoshy Lidiana Nadhasvaramǵa buiyrdy.
