4 qazan kúni Gýanchjoý qalasynda úilený toiy ótken. Shańyraq kótergen jastar toi taqyrybyn qazaqstandyq ánshi Dimash Qudaibergenge arnaǵan, dep habarlaidy "Ult aqparat" bul týraly dimashnews.com saityna silteme jasap.
Belgili bolǵandai, qalyńdyq 2017 jyldan beri qazaqstandyq ánshiniń fanaty. Súiiktisi ekeýi Dimashtyń Qytaida ótken alǵashqy kontsertine birge barǵan.
«Siao Li men Ming 5 jyldan beri tanys. Ming 2017 jyldan bastap súiiktisi Dimashtyń ónerine qyzyǵýshylyq bildiretinin baiqap, qoldaý kórsetken. Bolashaq jarynyń kózinen qýanysh kórý, ǵashyq jigit úshin baqytty sátterdiń bastamasy bolatyn», - delingen saitta.
«Dimash Qytaida alǵash ret týǵan kúnin toilaǵan kezde, Gýanchjoý Dear-lary beinequttyqtaý jazý úshin jinalǵanbyz. Meniń janymdaǵy jigitti kórgen qyzdar ony Dimashtyń jankúieri dep oilap, tańǵaldy. Biraq ol meni qoldaý úshin kelip, qasymda júrdi. Sodan beri Ming bizdiń ortada «jalǵan fanat» degen laqap atqa ie boldy», - deidi Siao Li.
Eske salsaq, Dimashtyń Qytaidaǵy alǵashqy kontserti Chanshada ótti. «Bul, meniń «jalǵan fanatymmen» barǵan alǵashqy kontsertim. Aldyn ala bilet satyp aldyq. Shaǵyn saiahatymyzdy josparlap, jolǵa shyqtyq. Jeltoqsan aiynda Chansha kún óte sýyq bolady. Onyń ústine jańbyr jaýdy. Ming ekeýmiz salqyn aýa raiyn unatpaimyz. Soǵan qaramastan ol menimen birge boldy. Dimash júrgen kóshede júrip, Dimash jegen tofýdy birge jep, Dimash sýretke túsken jerlerde meni sýretke túsirdi», - dep eske alady qalyńdyq.
Chanshadaǵy bul kontsert bizdiń ómirimiz úshin erekshe sátterge toly boldy. Sondyqtan úilený toiyn uiymdastyrýshy jubaiym ekeýmizdiń este qalar sátimizdi suraǵanda, «Chanshadaǵy ǵajaiyp sapar» dedim.
Toida Dimashtyń ánderi shyrqalǵan. Asaba jinalǵandarǵa Ming pen Siao Lidiń Chanshadaǵy Dimashtyń kontsertine sapary týraly aityp bergen.
