4 قازان كٷنٸ گۋانچجوۋ قالاسىندا ٷيلەنۋ تويى ٶتكەن. شاڭىراق كٶتەرگەن جاستار توي تاقىرىبىن قازاقستاندىق ەنشٸ ديماش قۇدايبەرگەنگە ارناعان, دەپ حابارلايدى "ۇلت اقپارات" بۇل تۋرالى dimashnews.com سايتىنا سٸلتەمە جاساپ.
بەلگٸلٸ بولعانداي, قالىڭدىق 2017 جىلدان بەرٸ قازاقستاندىق ەنشٸنٸڭ فاناتى. سٷيٸكتٸسٸ ەكەۋٸ ديماشتىڭ قىتايدا ٶتكەن العاشقى كونتسەرتٸنە بٸرگە بارعان.
«سياو لي مەن مينگ 5 جىلدان بەرٸ تانىس. مينگ 2017 جىلدان باستاپ سٷيٸكتٸسٸ ديماشتىڭ ٶنەرٸنە قىزىعۋشىلىق بٸلدٸرەتٸنٸن بايقاپ, قولداۋ كٶرسەتكەن. بولاشاق جارىنىڭ كٶزٸنەن قۋانىش كٶرۋ, عاشىق جٸگٸت ٷشٸن باقىتتى سەتتەردٸڭ باستاماسى بولاتىن», - دەلٸنگەن سايتتا.
«ديماش قىتايدا العاش رەت تۋعان كٷنٸن تويلاعان كەزدە, گۋانچجوۋ Dear-لارى بەينەقۇتتىقتاۋ جازۋ ٷشٸن جينالعانبىز. مەنٸڭ جانىمداعى جٸگٸتتٸ كٶرگەن قىزدار ونى ديماشتىڭ جانكٷيەرٸ دەپ ويلاپ, تاڭعالدى. بٸراق ول مەنٸ قولداۋ ٷشٸن كەلٸپ, قاسىمدا جٷردٸ. سودان بەرٸ مينگ بٸزدٸڭ ورتادا «جالعان فانات» دەگەن لاقاپ اتقا يە بولدى», - دەيدٸ سياو لي.
ەسكە سالساق, ديماشتىڭ قىتايداعى العاشقى كونتسەرتٸ چانشادا ٶتتٸ. «بۇل, مەنٸڭ «جالعان فاناتىممەن» بارعان العاشقى كونتسەرتٸم. الدىن الا بيلەت ساتىپ الدىق. شاعىن ساياحاتىمىزدى جوسپارلاپ, جولعا شىقتىق. جەلتوقسان ايىندا چانشا كٷن ٶتە سۋىق بولادى. ونىڭ ٷستٸنە جاڭبىر جاۋدى. مينگ ەكەۋمٸز سالقىن اۋا رايىن ۇناتپايمىز. سوعان قاراماستان ول مەنٸمەن بٸرگە بولدى. ديماش جٷرگەن كٶشەدە جٷرٸپ, ديماش جەگەن توفۋدى بٸرگە جەپ, ديماش سۋرەتكە تٷسكەن جەرلەردە مەنٸ سۋرەتكە تٷسٸردٸ», - دەپ ەسكە الادى قالىڭدىق.
چانشاداعى بۇل كونتسەرت بٸزدٸڭ ٶمٸرٸمٸز ٷشٸن ەرەكشە سەتتەرگە تولى بولدى. سوندىقتان ٷيلەنۋ تويىن ۇيىمداستىرۋشى جۇبايىم ەكەۋمٸزدٸڭ ەستە قالار سەتٸمٸزدٸ سۇراعاندا, «چانشاداعى عاجايىپ ساپار» دەدٸم.
تويدا ديماشتىڭ ەندەرٸ شىرقالعان. اسابا جينالعاندارعا مينگ پەن سياو ليدٸڭ چانشاداعى ديماشتىڭ كونتسەرتٸنە ساپارى تۋرالى ايتىپ بەرگەن.
