Dimash Qudaibergen 19-25 tamyzda Resei Federatsiiasynyń Sochi qalasynda ótetin «Novaia volna-2021» halyqaralyq jas oryndaýshylar baiqaýynda qazylyq etetin boldy, dep habarlaidy "Ult aqparat".
Baiqaýdyń uiymdastyrý komitetiniń habarlaýynsha, Dimash Qudaibergen «Novaia volna-2021» baiqaýynyń ashylý qurmetine arnalǵan kontsertke, qazylar alqasy músheleriniń kontsertine, konkýrstyń úshinshi kúni ótetin premer kontsertke, sharanyń jabylý kontsertine qatysady dep josparlanǵan. Baiqaýdyń aqtyq synynda Qazaqstan, Aýstraliia, Armeniia, Belarýs, Bolgariia, Grýziia, Ispaniia, Italiia, Niderland jáne Resei siiaqty 10 eldiń jas oryndaýshylary baq synaidy.
Qazaqstan atynan bul óner saiysyna Mezzo toby qatysady.
«Novaia volna-2021» baiqaýy 2001 jyldan 2014 jylǵa deiin Latviianyń Iýrmala kýrortynda ótip kelgen bolatyn. 2015 jyldan bastap konkýrs Reseide óte bastady.
