Qazaqstandyq ánshi Dimash Qudaibergen Latyn Amerikada eki ret kontsert ótkizýdi josparlap otyr. Ánshi tikelei efir kezinde osyndai jańalyqpen bólisti, dep jazady dimashnews.com saity braziliialyq «Extra» gazetine silteme jasap.
Qazaqstandyq jas mýzykant fanattarmen tikelei efir kezinde Braziliia týraly tilge tiek etken. Dimashtyń ákesi Qanat Aitbaev ta Latyn Amerikada kontserttiń aldaǵy ýaqytta ótý múmkindigin jetkizgen.
Braziliialyq jankúierler Dimashtyń kelesi týryna Latyn Amerika enetinine nyq senimdi. Sebebi, mundaǵy fan-klýb kún sanap tanymal bolyp keledi. Tipti, qazaqstandyq oryndaýshynyń álemdegi fan-klýbtary arasynda da tanymal bolyp úlgergen.
Atalmysh eldegi fan-klýb (DKFCB) 24 mamyrda Braziliia qalasynda ánshiniń týǵan kúnin atap ótý maqsatynda kezdespek bolǵan. Arnaiy baǵdarlama da jasalǵan eken. Múmkindigi shekteýli balalardy mýzykaǵa oqytý úshin qarjy jinaýdy da josparlapty. Alaida, COVID-19 pandemiiasyna bailanysty qaiyrymdylyq aktsiiasyn keiinge qaldyrýǵa týra kelgen.
Fan-klýb Shyǵys Eýropadan ákelingen Dimashtyń qoltańbasy bar zattardy satý arqyly 3.100,00 braziliia realyn (250 myń teńge) jinaǵan. Ol qarajat az qamtylǵan otbasylarǵa bir tonna azyq-túlik jáne tazalyq quraldaryn alýǵa jumsaldy.
«Biz qaiyrymdylyq aktsiiasyn Dimashtyń týǵan kúni qarsańynda ótkizgimiz keldi. Óitkeni, Dimash mahabbattyń, dostyqtyń, tilektestik bildirýdiń jáne yntymaqtastyqtyń belgisi ispetti. Dimash úshin bul baǵaly syilyq bolatynyna senimdimiz», – deidi braziliialyq fan-klýbtyń ákimshisi Tatiana Ribeiro.
«DKFCB» fan-klýby 2018 jyly qurylǵan.
