Dimash Qudaibergen Qytaidaǵy tanymal juldyzdardyń reitinginde birinshi orynda tur, - dep habarlaidy "Ult aqparat". Bul týraly ánshiniń PR-direktory Alpamys Shárimov Instagram jelisindegi paraqshasynda jazdy.
"Qytaida ár apta saiyn juldyzdardyń (tek ánshiler emes, akter, júrgizýshi t.b) tanymaldylyq reitingisi jariialanady. Ǵalamtorda esimderiniń kóp paidalanýy, ǵalamtordaǵy izdeýi boiynsha, ártistiń videolarynyń kórsetilimi boiynsha, telearnadaǵy reiting t.b eseptelinedi. Nazarlaryńyzǵa osy aptadaǵy Qytai tanymal juldyzdarynyń Top 10-y: Dimash @kudaibergenov.dimash ekinshi apta qatarynan 1 orynda!", - dep jazǵan ánshiniń PR-direktory.
Qazaqstandyq Dimash Qudaibergen 2989 upai jinap, básekelesterinen oq boiy ozyp shyqty. Ol bul reitingti qatarynan ekinshi apta boiy bastap tur.
Eske sala ketsek, Dimash «I am a singer» baiqaýynyń tórt kezeńine qatysyp, frantsýz, orys, qytai tilderinde án shyrqady. Saiys sáýir aiyna deiin jalǵasady. Ázirge, jalpy esep boiynsha, otandasymyz birinshi orynda keledi.
