Qytaidaǵy «Singer 2017» án baiqaýyna qatysyp jatqan qazaqstandyq ánshi Dimash Qudaibergenov baiqaýdyń tórtinshi kezeńinde qytaisha án shyrqaidy, dep habarlaidy Ult.kz tilshisi QazAqparat agenttigine silteme jasap.
Qytai buqaralyq aqparat quraldarynyń habarlaýynsha, tórtinshi kezeńniń túsirilim jumystary 2 aqpan kúni aiaqtalǵan. Bastapqy úsh kezeńde jalpy esepte birinshi orynnan kóringen jerlesimiz tórtinshi kezeńde de úzdikter qatarynan kóriný úshin qytaisha án shyrqap kórýdi uiǵarǵan.
Dimash gonkongtyq Djeki Chýn Hok-Iaýdyń (张学友) repertýarynan «Qońyr kúz» (秋浓意) ánin oryndaidy. Djeki - Qytai estradasynyń jaryq juldyzy. 90 jyldary jeke albomynyń satylymy boiynsha Maikl Djeksonnan keiingi ekinshi oryndy ielengen. 2000 jyly jeke albomynyń satylymy 60 myń danadan asyp, álemniń kóptegen elderinde jeke kontsertter bergen.
«Qońyr kúz» (秋浓意) áni 1993 jyly alǵash ret oryndaldy. Keiin japon, korei tilderine aýdarylǵan.
Eske sala keteiik, Dimash Qudaibergenov baiqaýǵa qatysardan buryn qytaidyń ataqty ánshi - kompozitory Han Hýnnyń «Tań atty» ánin oryndaǵan bolatyn.
