Dimash Qudaibergenniń Youtube arnasy «altyn batyrmaǵa» ie boldy, dep habarlaidy "Ult aqparat".
Bul jaiynda Dimash Qudaibergenniń ózi Instagram paraqshasynda aitty.
«Búgin bizdiń Youtube arnamyzda kórermen sany 1 millionnan asyp, osy jeliniń «altyn batyrmasyn» aldyq. Eń aldymen kishigirim ónerime baǵa berip, «osy balanyń bolashaǵy jarqyn bolsyn» dep tileýimdi tilep otyrǵan búkil álemdegi tyńdarmandarymnyń árqaisyna erekshe alǵys aitqym keledi. Sondai-aq birge jumys istep júrgen menedjerlerime, shyǵarmashylyǵyma atsalysyp júrgen jandarǵa rizashylyǵymdy bildiremin. Árine, sonymen qatar ata-anama, týǵan-týys, aǵaiyn-baýyryma, jerlesterime rahmet» dep aǵynan jarylady videoda Dimash Qudaibergen.
Aita keteiik, Dimash Qudaibergenniń resmi Youtube arnasy 2017 jyldyń 27 qazanynda jumysyn bastaǵan.
Qazirgi tańda arnaǵa 1,2 mln adam jazylǵan. Qaralym sany 150 millionǵa jýyqtaǵan.
