Vengriiada mýzyka pániniń muǵalimi jáne mýzykalyq terapevt Gabriella Nagi Vengriianyń «Zene» atty iri mýzykalyq basylymdardyń birinde qazaqstandyq ánshi Dimash Qudaibergen týraly maqala jariialady, dep habarlaidy Dimashnews.com saity.
Gabriella Nagi – bul eńbektiń avtory ári Dimash Qudaibergenniń ónerine tánti azamattardyń biri.
DimashNews-qa bergen suhbatynda Gabriella jýrnalda «qazaqtyń án shyrqaityn fenomeni» týraly maqalalar toptamasyn jariialaýdy josparlap otyrǵanyn baiandady. Avtor birinshi maqalada ánshi týraly qysqa aqparat berip, Dimashtyń kóptegen jankúierleri onyń oryndaýynda alǵash ret estigen «S.O.S» áni týraly jazǵan.
«Dimash Vengriiada eshqashan kontsert bermegen, sondyqtan ol týraly munda kóbi bilmeidi. Men eń tanymal mýzykalyq veb-jýrnalǵa birneshe maqala jazyp, sol arqyly vengriialyq aýditoriianyń onyń shyǵarmashylyǵyna degen qyzyǵýshylyǵyn arttyrýdy josparlap otyrmyn», - dep bólisti Gabriella.
Vengriianyń «Zene» mýzykalyq jýrnaly 2009 jyly qurylǵan. Sol kezden beri eldegi eń tanymal ári kóp oqylatyn basylymdardyń birine ainaldy. Onyń negizgi maqsaty – oqyrmanǵa Vengriianyń, álemniń mýzykalyq indýstriiasyndaǵy basty oqiǵalar týraly baiandap berý.
Facebook jelisinde jýrnalǵa jazylýshylar sany 65 myń adamnan asyp otyr, al Twitter-de olardyń sany 14 myńnan asqan. Eske sala ketsek, jaqynda kompozitor Igor Krýtoi áleýmettik jelilerdegi jazylýshylaryna jaqsy jańalyǵyn jetkizdi – ol Dimash Qudaibergenmen birge pandemiia kezinde jańa án jazýǵa daiyndalyp júr. Ánniń ataýy – «Men seni saǵynyp júrmin» («Ia skýchaiý po tebe»), ánniń óleń joldaryn kompozitordyń dosy Igor Nikolaev jazdy.
